ഓർമ്മയിലെ വസന്തം

അന്നത്തെ നാളുകളാനെനിക്കിന്നേറെ പ്രിയം-
പ്രിയേ,നിൻ വിരൽ തുമ്പുപിടിച്ചു ഞാൻ-
നടന്നോരു നാളുകൾ,മനസ്സു മനസിനെ-
യറിഞ്ഞോരു നാളുകൾ...

ഓർമയില്ലൊരു കുളിർകാറ്റിൽ;
പൂനിലാവിൽ-
സങ്കല്പവിലാസമായ് നീ നിറഞ്ഞോരു-
നാളുകൾ....
നിൻകരിനീലകണ്ണുകൾ കഥ പറഞ്ഞോരു-
രാവുകൾ,എൻ കരളൊരു പൂക്കളമായോരു-
പകലുകൾ,എൻ മിഴിയിണകൾക്കെന്നും-
ഉത്സാഹകണിയായ് നീ നിറഞ്ഞോരു-
നാളുകൾ....
പുളകംപൂണ്ടുമ്മുറതളങ്ങളിൽ നാട്ടു-
വഴിയിടങ്ങളിൽ,കൃഷ്ണതുളസ്സി-
പൂത്തൊരമ്പലതൊടികളിൽ-
അറബികടലിന്റെയട്ടഹാസമേറ്റു-
വങ്ങിയ പൂഴിപരപ്പുകളിൽ....
നിൻ വിരൽ പിടിച്ചു ഞാൻ-
നടന്നോരു നാളുകൾ,മനസ്സു-
മനസ്സിനെയറിഞ്ഞോരു നാളുകൾ..

പൂക്കളും പാട്ടും പറവകളും മറഞ്ഞു-
സുന്ദരമാനന്ദ സംപൂർണ്ണ ദിനങ്ങളും-
കൊഴിഞ്ഞു...
വേദനപൊഴിയുമെൻ കനവിന്റെയകം-
തളത്തിൽ,വരിക നീ നിത്യവും-
പ്രിയതോഴി മാധൂര്യമേറുമാ കാലത്തെ-
സ്മരിക്കട്ടെ നിത്യവു മീ ഞാൻ..